«Иссиқлик электр станциялари» АЖ мана 10 йилдирки «Mitsubishi Сorporation», «MELCO» ва «Mitsubishi Hitachi Power Systems» компаниялари билан йирик инвестиция лойиҳалари бўйича ҳамкорлик қилиб келяпти.
Жумладан, ўтган йиллар давомида «Навоий ИEС» АЖ, «Толимаржон ИEС» АЖ ва «Тўрақўрғон ИEС» УКда электр энергетикаси соҳасидаги йирик генерация қувватлари «Mitsubishi Сorporation» компанияси билан ҳамкорликда фойдаланишга топширилди.
Таъкидлаш керакки, «Mitsubishi Сorporation», «MELCO» ва «Mitsubishi Hitachi Power Systems» компаниялари билан амалга оширилган лойиҳалар натижасида умумий ўрнатилган қуввати 2 728 МВтни ташкил этувчи замонавий, энергосамарадор генерация объектлари бунёд этилган.
Эндиликда, ҳамкорлар «Навоий ИEС» АЖни 3 – босқичда кенгайтириш бўйича қуввати 650 МВт бўлган инвестиция лойиҳаси бўйича ишларни амалга оширяпти.
Учрашувда, томонлар мавжуд лойиҳалар ижросини самарали ташкил этиш, фаолият юритаётган энергоблоклардан оқилона фойдаланиш масалаларини муҳокама қилди, деб хабар беради Энергетика вазирлиги матбуот хизмати «Иссиқлик электр станциялари» АЖ маълумотига таяниб.
