Молдова бош вазири Ион Кику ўзи ва ҳукумат истеъфога чиқишини билдирди. РИА “Новости” хабарида айтилишича, у давлат раҳбари билан муддатидан аввал парламент сайлови ўтказилишини муҳокама қилган.
“Мамлакатдаги муҳим муаммоларни ҳал этиш учун янги парламент зарур. Шу боис мен ўзимнинг ва ҳукуматнинг истеъфога чиқишини таклиф қилдим”, деди Кику.
Аввалроқ у ўзи бошқараётган ҳукумат яқин кунларда истеъфога чиқиши мумкинлигини айтган эди.
