Унда ўзбек киносининг «янги тўлқинига» (1960–1970 йиллар) мансуб бўлган кинорежиссёрлар – Шуҳрат Аббосов, Али Ҳамроев, Қамара Камолова, Элёр Ишмуҳамедовларнинг ижодларидан намуналар намойиш этилиши кўзда тутилган.
"Ўзбеккино" миллий агентлиги Ахборот хизматининг хабар беришича, Фильмлар Россия Федерацияси Давлат фильм фондида сақланаётган киноплёнкалардаги нусхаларидан олинади.
Айни пайтда Республика кинофонди ДУК Россия Федерацияси Давлат кинофильм фонди билан ўзбек киносининг олтин меросига айланган «Тоҳир ва Зуҳра» (1945, режиссёр Наби Ғаниев), «Маҳаллада дув-дув гап» (1960, режиссёр Шуҳрат Аббосов), «Аччиқ данак» (1975, режиссёр Қамара Камолова), «Келинлар қўзғолони» (1985, режиссёр Мелис Абзалов), «Абдуллажон» (1990, режиссёр Зулфиқор Мусақов) фильмларини рақамлаштириш бўйича музокаралар олиб бормоқда.
