Ўзбекистон Бадиий академиясининг Икуо Хирояма халқаро маданият карвонсаройида мусаввир Эвадулла Абдуллаевнинг ижод намуналаридан ташкил топган кўргазма очилди.
Экспозициядан рассомнинг “Осмонимиз тинч бўлсин”, “Чотқолда баҳор”, “Бизга тинчлик керак”, “Баҳор”, “Баҳор келди”, “Наманган олмаси”, “Терроризм манбаи”, “Улар қалбимизда мангу яшайди (1941-1945)”, “Инсон – бу сенинг қўлинг”, “Огоҳ бўлинг”, “Абдураҳмон Жомий ва Алишер Навоий портретлари”, Орол денгизига оид бир неча ижодий ишлари ўрин олган.
Э. Абдуллаев 1954 йили Наманган вилоятининг Поп туманидаги Чодак қишлоғида таваллуд топган. Бадиий графика бўйича таҳсил олган. Плакат жанрида ижод қилади. Республика ва халқаро кўргазмаларда фаол иштирок этиб, дипломлар билан тақдирланган.
Кўргазма жорий йилнинг 31 майигача давом этади.
Ҳасан Абдуназаров
