Наманган халқаро аэропортида қалин туман туфайли кўринишнинг ёмонлашиши (100 м) самолётларни қабул қилиш ва жўнатишни вақтинча чеклаб қўйди.
Хусусан, “Uzbekistan Airways” авиакомпаниясининг HY074/073 (Бухоро — Наманган — Бухоро) рейси бекор қилинди. HY9826/9823 (Сочи — Наманган — Красноярск) ва HY9824/9857 (Красноярск — Наманган — Уфа) рейслари учиш вақти ўзгартирилди.
"S7"авиакомпаниясининг Новосибирск — Наманган — Новосибирск йўналишидаги SBI5567/5568рейси ҳам бекор қилинди. Парвоз Тошкент халқаро аэропортидан амалга оширилади.
Парвозлар жадвалидаги ўзгаришлар тўғрисидаги батафсил маълумотларни авиаташувчилардан олиш мумкин.
