Маълум бўлишича, 7 октябр куни соат 12:50 чамасида давлат рақами 50 010 DAV, Toyota Land Cruiser русумли Наманган вилояти ҳокими Шавкат Абдураззоқовнинг хизмат автомобили Наманган—Уйчи—Учқўрғон йўлининг 8 километрида ЙТҲга учраган. Бахтиз ҳодиса туфайли йўлни кесиб ўтаётган, 2017 йилда туғилган фуқарони уриб юборган.
Йўловчи зудлик билан туман тиббиёт бирлашмасига олиб борилган. Тўлиқ тиббий текширув ўтказилган, жиддий шикастланиш аниқланмаган, фақатгина юз соҳасида шилиниш бўлган, тез тиббий ёрдам кўрсатилган. Қўшимча даволаниш талаб этилмайди.
Ҳозирда йўловчининг аҳволи яхши ва ўзининг уйида одатдаги ҳаётий фаолиятини давом эттирмоқда. Йўл-транспорт ҳодисаси бўйича барча ҳужжатлар ИИБ томонидан расмийлаштирилган.
