Жорий йилнинг 9 июнь куни Тўрақўрғон туман ИИБ ходимлари томонидан олиб борилаётган тадбир давомида туманда яшовчи фуқаро яшаш уйидаги ҳожатхонасининг том қисмида қуритиш учун 12 туп кўкимтир рангли, ўткир ҳидли чала қуриган ўсимликларни сақлаб келаётганлиги аниқланган. Ўрганишлар натижасида ушбу ўсимлик кўкнор сомони гиёҳвандлик моддаси бўлиб чиқди.
Шу куни тумандаги яна бир хонадонда томорқасидаги гилос дарахти шохига нашасимон ўсимликнинг синдирилган шохини қуритиш учун илиб қўйган шахс аниқланган. Мутахассислар хулосасига кўра, ушбу нашасимон ўсимлик синдирилган шохининг соф оғирлиги 27,22 грамм бўлган каннабис гиёҳвандлик моддаси экан.
Ҳозирда икки ҳолат юзасидан терговга қадар суриштирув ишлари олиб борилмоқда.
