Мазкур ҳолат Наманган вилояти Ички ишлар бошқармаси томонидан атрофлича ўрганилди.

Аниқланишича, 19 сентябрь куни соат 13:00 атрофида Наманган шаҳрининг «Даштбоғ» маҳалласи ҳудудида Наманган шаҳри ва Янги Наманган туманида яшовчи, 2010 йилда туғилган, 2-сонли касб-ҳунар техникумининг 1-босқичида таҳсил олувчи 7 нафар вояга етмаган — М.А., Б.А., И.Ф., Р.С., М.Ё., З.М. ва А.З. — шу техникумнинг 1-босқичида таҳсил олувчи Т.А., Р.Н., М.Ё. ва Ю.Р.ларнинг ёнида бўлган пул, соат ва телефонларни очиқдан-очиқ зўрлик ишлатиш йўли билан талон-торож қилган.

Терговга қадар текширув давомида видеотасвирда акс этган барча иштирокчиларнинг шахсига аниқлик киритилди. Шунингдек, ҳолат натижасида бирор-бир шахсга тан жароҳати етказилмагани аниқланган.

Мазкур ҳолат юзасидан Наманган шаҳар ИИБ ҳузуридаги Тергов бўлими томонидан Ўзбекистон Республикаси Жиноят кодексининг 166-моддаси 2-қисми «в» банди (бир гуруҳ шахслар томонидан содир этилган талончилик) билан жиноят иши қўзғатилди.

Ҳозирда дастлабки тергов ҳаракатлари олиб борилмоқда.