Бугун ушбу автобусларни “Turon-95 MBI” МЧЖ томонидан тақдим этиш маросими бўлиб ўтди. Тадбирда Наманган вилояти ҳокими Шавкатжон Абдураззоқов, нуронийлар ҳамда кенг жамоатчилик вакиллари иштирок этди, дея хабар беради ҳокимлик ахборот хизмати.
Маросим давомида иштирокчилар янги автобусларнинг техник имкониятлари, йўловчилар учун яратилган шароитлар, шунингдек, ногиронлиги бўлган шахслар учун мослаштирилган қулайликлар билан яқиндан танишдилар.
Қайд этилишича, мазкур автобуслар яқин кунлар ичида энг муҳим йўналишларда ҳаракатни бошлайди. Бу эса Наманганда жамоат транспорти хизматини янги босқичга олиб чиқиб, аҳолига янада самарали, хавфсиз ва қулай транспорт хизмати кўрсатилишини таъминлайди.
