Ой миссиясига уч америкалик Кристина Кук, Виктор Гловер ва Рид Уайсмен ҳамда канадалик Жереми Хансен киритилди.
NASAнинг таъкидлашича, тўртта астронавт 50 йилдан кўпроқ вақт ичида Ойга учадиган биринчи одамлар бўлади. Ой миссияси экипажи биринчи марта аёл, афроамерикалик ва канадаликдан иборат бўлади.
The New York Times газетасининг ёзишича, Ойга парвоз 2024 йилнинг ноябрь ойидан олдин амалга оширилади. Artemis-2 ой миссияси ўн кун давом этади.
SLS космик ракетасининг иккинчи босқичи ишга туширилгандан сўнг, Orion космик кемасини Ердан 2900 километр баландликда ўтадиган эллиптик орбитага жойлаштиради.
Кейин космик кема Ойга яқинлашади, лекин унинг орбитасига кирмайди, аксинча, Ойнинг тортишиш кучидан фойдаланиб, Ерга қайтади, деб хабар беради korrespondent.net.
