"Сичуань провинцияси Коммунистик партия қўмитаси котиби Ван Сяохуэй жаноблари билан учрашишдан хурсандмиз, – деб ёзди Ўзбекистон ТИВ раҳбари ўзининг telegram-каналида. – Ўзбекистон ва Хитой ҳудудлари ўртасидаги тўғридан-тўғри шериклик алоқалари ривожланаётгани икки Давлат Раҳбарлари томонидан белгиланган юқори марраларга эришишда юксак самара кўрсатмоқда. Бугун биз Навоий шаҳрида Навоий - Сичуань саноат паркини ташкил этишга келишиб олдик. Ишбилармон доиралар ўртасидаги янада қизғин ва мунтазам алоқаларни қўллаб-қувватлаш, компанияларнинг бозорларимизда фаолият юритиши учун энг қулай шарт-шароитларни яратиш, доимий алмашинувни таъминлаш, янги истиқболли қўшма лойиҳаларни амалга ошириш каби мавзулар кун тартибимиздан жой олди".