Кечаги ўйинлар якуни бўйича германиялик спортчилар норасмий жамоавий мусобақаларда биринчи ўринга кўтарилишди. Улар ҳисобида 5 та олтин, 3 та кумуш медаль бор.
Немис машинаси деган ибора одатда немис футболига нисбатан ишлатилса-да, қишки ўйинларга ҳам германиялик спортчилар пухта тайёргарлик кўрганини улар эришаётган натижалар исботламоқда.
4 та олтин, 2 та кумуш ва 4 та бронза медалини қўлга киритган норвегиялик спортчилар ҳозирча иккинчи ўринни банд қилиб туришибди. Швециялик спортчилар учинчи ўринда боришмоқда. Улар 4 та олтин, 1 та кумуш ва 2 та бронза медалга эгалик қилишяпти.
