"Биринчи одам кеча Neuralink имплантини олди, тикланиш жараёни яхши кетмоқда", деб ёзган Маск ўзининг Х ижтимоий тармоғидаги шахсий блогида. Таъкидланишича, чипнинг ишлаш кўрсаткичлари кўп нарсаларни вада қилмоқда.
Маскнинг қўшимча қилишича, Neuralink'нинг биринчи чипи "Telepathy" деб аталади. Бу одамга телефон ва компьютерни фикрлаш орқали бошқариш имконини беради. "Биринчи бўлиб чиплар оёқ-қўли ишдан чиқиб, шол бўлиб қолганларга имплантация қилинади ", деди Маск.
"Тасаввур қилинг, Стивен Хокинг ўз фикрини дунёдаги энг тез текст терувчи ёки аукционердан ҳам кўра тезроқ ифода эта олади. Асосий мақсад шу", - дея тушунтирди миллиардер.
