Маълум қилинишича, соат 14:48 да бино ҳовлисидаги электр қутиси ёнаётгани ҳақида Тошкент шаҳар Фавқулодда вазиятлар бошқармасига хабар келиб тушган.
Ёнғин-қутқарув экипажлари воқеа жойига соат 14:52 да етиб борган ва ёнғин 14:57 да тўлиқ ўчирилган.
Ҳодиса оқибатида тан жароҳати олганлар ва ҳалок бўлганлар йўқ. Ёнғин натижасида электр қутиси ҳамда унинг атрофидаги кондиционерлар зарарланган.
Ҳозирда ёнғиннинг келиб чиқиш сабаби ва етказилган моддий зарар миқдори аниқланмоқда.
