Португалия терма жамоаси
сардори Криштиану Роналду 2026 йилги Жаҳон чемпионатидан кейин миллий терма
жамоадан кетиши мумкинлиги ҳақидаги саволга жавоб берди. 41 ёшли ҳужумчининг
сўзларини журналист Фабрицио Романо Х ижтимоий тармоғида эълон қилди.
Аввалроқ футболчининг
синглиси Катя Авейру ҳозирги Жаҳон чемпионати
Роналдонинг Португалия терма жамоасидаги сўнггиси бўлиши мумкинлигини айтган
эди. “Мендаги маълумотларга кўра, энди хайрлашиш мумкин. Бугун эмас, лекин
менимча, бу хайрлашиш. Мен миллий терма жамоа ҳақида гапиряпман. Мен буни
ишончли манбага асосланиб айтяпман: Жаҳон чемпионати – бу охирги рақс”, деб ёзди
AS, унинг синглисининг сўзларидан иқтибос келтирган ҳолда.
“Мен бепарво қарорлар қабул
қилмайман. Мен қароримни турнирдан кейин қабул қиламан, ҳозир эмас”, деди
Роналду.
3 июль оқшомида Португалия
Хорватияни мағлуб этди (2:1) ва 1/8 финалга йўл олди. Роналду асосий таркибда
майдонга тушди, гол урди ва Жаҳон чемпионати плей-офф тарихидаги энг кекса
ўйинчига айланди, деб хабар берди rbc.ru.
