El Chiringuito хабарига кўра, ПСЖ ҳужумчиси Неймар “Барселона” билан шахсий шартнома масаласида келишувга эришган. У Каталония клуби билан йиллик 13 миллион евро маошли “2+1” шаклида шартнома имзолашга яқин турибди.
Ўтиш амалга ошиши учун ҳужумчи ПСЖ билан шартномани бекор қилиши лозим. Аввалроқ, Неймарнинг агенти ва клуб футболчининг ПСЖни тарк этишини тезлаштираётгани ҳақида хабар қилганди.
Шу ўринда айтиб ўтиш лозимки, 31 ёшли ҳужумчига Саудия Арабистонининг “Ал-Ҳилол” клуби ҳам қизиқиш билдираётган эди.
