Бу ҳақда “Uzbekistan Airports” АЖ матбуот хизмати хабар берди.
Жумладан, Москва–Бухоро йўналишидаги рейс Бухоро аэропортида туман сабабли (кўриниш — 650 метр) вақтинчалик чекловлар жорий этилгани учун Самарқандга йўналтирилди. Самолёт соат 3:27 да қўнди.
Санкт-Петербург–Урганч рейси Урганч аэропортида кўриниш 200 метргача пасайгани боис Самарқандга йўналтирилди. Қўниш соат 6:17 да амалга оширилди.
Москва–Термиз рейси ҳам Термиз аэропортидаги чекловлар (туман, кўриниш — 200 метр) сабабли Самарқандда қўнди. Самолёт соат 6:03 да етиб келди.
Шунингдек, Москва–Бухоро йўналишидаги SU1876 рейси Бухородаги кўриниш 300 метрга тушгани сабабли Самарқандга йўналтирилди. Қўниш соат 6:36 да амалга оширилди.
Бундан ташқари, Истанбул–Наманган рейсида йўловчилардан бирининг аҳволи ёмонлашгани сабабли самолёт Самарқанд халқаро аэропортига қўнди. Самолёт соат 5:53 да етиб келган.
