Наманган ва Aндижон халқаро аэропортларида қуюқ совуқ туман туфайли кўришнинг ёмонлашиши ҳаво кемаларини қабул қилиш ва жўнатишни вақтинча тўхтатилишига олиб келди.
Хусусан, Наманганда кўриниш чегарасининг 700 метргача пасайиб кетиши сабабли “Uzbekistan Airways” авиакомпаниясининг ҲЙ9816/9821 (Оренбург — Наманган — Иркуцк) ва ҲЙ9822/94 (Иркуцк — Наманган — Тошкент) йўналишлари бўйича рейслари ўзгартирилди.
Air Arabia авиакомпаниясининг Г9784/785 (Шаржа — Наманган — Шаржа), шунингдек, Ред Wингс авиакомпаниясининг WЗ4483/4484 (Москва — Наманган — Москва) рейси Тошкент халқаро аеропортидан амалга оширилади.
Ноқулай об-ҳаво шароити (кўриш масофаси 900 метр) Aндижон аэропорти ишининг чекланишига ҳам сабаб бўлди. “Uzbekistan Airways”нинг ҲЙ091 (Тошкент — Фарғона), ҲЙ049 (Фарғона — Самарқанд), ҲЙ050 (Самарқанд — Фарғона) ва ҲЙ092 (Фарғона — Тошкент) рейслари ўзгартирилган йўналиш бўйича амалга оширилади.
Авиакомпания ноқулай об-ҳаво туфайли Наманган ва Aндижон аэропортлари вақти-вақти билан ўз ишини тўхтатиб, қайта тиклашга мажбур бўлаётганини билдирмоқда. Ёзилишича, парвозлар жадвалидаги ўзгаришлар тўғрисидаги батафсил маълумотларни авиаташувчилардан олишингиз мумкин.
