АВСнинг хабар беришича, Нью-Йоркнинг Манхэттен туманида икки қаватли сайёҳлар автобуси ва шаҳар йўловчи автобуси тўқнашиб кетди.
Дастлабки хабарларга қараганда, ҳалок бўлганлар йўқ, лекин 81 нафар йўловчи турли даражада тан жароҳати олган. Уларнинг 63 нафарига шу жойда тиббий ёрдам кўрсатилди, 18 киши эса касалхоналарга жойлаштирилган.
Воқеа гувоҳларининг таъкидлашича, тўқнашувга сайёҳлар автобусининг йўлни қизил чироқда кесиб ўтгани сабаб бўлган.
