12-17 сентябрь кунларига мўлжалланган мусобақанинг кечаги кун баҳслари Осиё рекорди янгилангани билан ёдда қоларли бўлди.
Жумладан, Спортни ривожлантириш вазирлиги хабарига кўра, эркаклар ўртасида -61 килограмм вазн тоифасида баҳсларга киришган Диёрбек Рўзметов даст кўтариш машқида 120 килограмм, силтаб кўтаришда эса 138 килограмм, икки кураш натижасига кўра 258 килограмм натижани қайд этиб, мусобақа ғолиблигини қўлга киритди.
Бу билан хоразмлик спортчи даст кўтариш машқида Осиё рекордини ҳам янгилади. Aмалдаги рекорд бошқа бир ҳамюртимиз Ҳусинбой Матрасуловга тегишли эди. Хусусан, 2021 йил Бирлашган Aраб Aмирликларининг Жидда шаҳрида бўлиб ўтган ўсмирлар ўртасидаги жаҳон чемпионатида ватандошимиз 119 килограмм тошни ўзига бўйсундиришнинг уддасидан чиққан эди.
