Карнеги-Меллон университетидаги Future Interfaces Group (FIG) тадқиқотчилари Крейг Шульц ва Крис Гаррисон ўрнатилган электроосмотик насослар ёрдамида шаклни ўзгартирувчи дисплейнинг миниатюра турини ишлаб чиқишди.
Экран қисмлари суюқлик билан шиширилиши ва дастлабки ҳолатга қайтарилиши мумкин.
Мутахассисларнинг таъкидлашича, ўрнатилган электроосмотик насослар – бу смартфон ёки автомобиль дисплейи каби сенсорли қурилмага ўрнатиладиган нозик қатламдаги суюқлик насосларининг бўшлиқларидир.
Экрандаги элементга тугма керак бўлганда, суюқлик қатламининг бир қисмини тўлдиради ва юқоридаги панель бу шаклни ҳосил қилиш учун букланади, деб хабар беради korrespondent.net.
