Япония ҳукумати жорий йилнинг 23 июль - 8 август кунлари Токиода бўлиб ўтадиган ёзги Олимпия ва паралимпия ўйинларида иштирок этадиган ишчи-хизматчиларни COVID-19 касаллигига қарши эмлаш учун Pfizer компанияси билан шартнома имзолади.
Бугун бу ҳақда Олимпия ўйинларини ўтказиш ташкилий қўмитаси раҳбари Тамаё Марукава Халқаро олимпия қўмитасига ахборот берди.
Унинг сўзларига кўра, вакцинага қарши эмлаш ишлари 17 июнь куни бошланади. Биринчи босқичда Олимпия ўйинлари иштирокчилари учун мўлжалланган «Спортчилар қишлоғи»да яшовчиларга хизмат қиладиган 20 минг нафар ходим эмланса, иккинчи босқичда яна шунча киши коронавирусга қарши Pfizer дориларини қабул қилади.
Олимпия ўйинларининг тантанали очилиш маросимига эса роппа-роса 38 кун вақт қолди.
Тўлқин РЎЗИЕВ.
