Жумладан, Томди туманида ўтказилган тадбирда фуқаро О.И. ва бошқалар «Бессопан» саноат майдони ҳудудида таркибида 315,1 грамм олтин моддаси бўлган, умумий баҳоси 569,8 млн сўмлик 5 200 кг маъданли тошларни ноқонуний равишда қазиб олган вақтда ушланди. Мазкур маҳсулотлар ашёвий далил сифатида олинган.

Конимех туманида ўтказилган тезкор тадбирда эса фуқаролар Т.Т. ва Т.Ғ. «Караката» ҳудудида олтин изловчилар усулида махсус ускуналар орқали қум ва тош таркибидан олтин ажратиб олиш билан шуғулланиб келаётгани аниқланди.

Шунингдек, Хатирчи туманидаги «Зарафшон» маҳалласи ҳудудида ўтказилган тадбирларда фуқаро У.Р.нинг хонадонда қум ва тошдан олтин ажратиб олиш билан шуғуллангани фош этилди. Ундан таркибида олтин зарралари бўлган 160 кг қум-тош ашёвий далил сифатида олинган.

Яна бир ҳолатда фуқаро С.Х. ҳам мазкур маҳалла ҳудудида шундай ноқонуний фаолият билан шуғулланиб келгани аниқланиб, ундан 300 кг қум-тош мусодара қилинган.

Мазкур ҳолатлар юзасидан Ўзбекистон Республикаси Жиноят кодексининг 196-2-моддаси (фойдали қазилмаларни рухсатномасиз, олтин изловчилар усулида қазиб олиш) билан жиноят ишлари қўзғатилиб, тергов ҳаракатлари олиб борилмоқда.