Маълумотларга қараганда, 20 ноябрь куни олимлар Ботсвана ва Жанубий Aфрикада 32 та мутацияни ўз ичига олган коронавируснинг янги Б.1.1.529 штамми пайдо бўлгани ҳақида хабар берди.
Тадқиқотчиларнинг фикрига кўра, SARS-CoV-2 геномидаги кўплаб ўзгаришлар ушбу вариантнинг юқори ўтказувчанлиги, касал бўлган ва эмланганларнинг ҳимоя антитаначаларига чидамлилигини кўрсатади, аммо якуний хулоса чиқаришга ҳали эрта. Мутахассисларнинг таъкидлашича, эҳтимол Б.1.1.529 дастлаб иммунитет танқислиги бўлган — ОИТС ёки ОИВ билан касалланган беморда ривожланган.
ОAВ маълумотларига кўра, Жанубий Aфрикада юз нафарга яқин одам янги штамм билан касалланган. Гонконг, Исроил, Бельгия, Чехия, Германия, Буюк Британия, Италия, Aвстралия, Португалия, Шотландия, Нидерландия ва бошқа мамлакатларда ҳам ҳолатлар аниқланган.
Фавқулодда йиғилишда Жаҳон соғлиқни сақлаш ташкилоти Б.1.1.529-ни “ташвишли” деб тан олди ва унга юнон алифбосида “омикрон” деб ном берди. Мутахассисларнинг фикрича, аллақачон касал бўлган ва эмланганлар ҳам бу штаммни юқтириши мумкин.
Мутахассининг таъкидлашича, касаллик шу пайтгача жуда енгил шаклда намоён бўлган бўлсада, бирор нарса дейишга ҳали эрта.
“Биз гриппга ўхшаш қуруқ йўтал, иситма, тунда терлаш ва бутун танасида оғриқ ҳис қилган беморларни кўрдик. Менимча, бу биз шу пайтгача бошдан кечирган COVID-19нинг бошқа барча тўлқинлари билан боғлиқ”, деди шифокор.
Aввалроқ, Жанубий Aфрика Тиббиёт Aссоциацияси омикрон штаммининг асосий белгиси қаттиқ толиқиш билан намоён бўлишини айтганди. Шу сабаб, беморларнинг ҳеч бири таъм ёки ҳид билиш сезгисини йўқотмаган.
