Қарорга кўра, Вазирлар Маҳкамасининг 729-сон қарорига қуйидагиларни назарда тутувчи ўзгартириш ва қўшимчалар киритилди:
- Ўзбекистон техник жиҳатдан тартибга солиш агентлиги Вазирлар Маҳкамаси ҳузурига ўтказилганлиги муносабати билан унинг фаолиятини тартибга солувчи қонунчилик ҳужжатларини ўзаро мувофиқлаштириш;
- Органик ва органик-минерал ўғитлар хавфсизлиги тўғрисидаги техник регламентни янги таҳрирда баён этиш;
- Органик ва органик-минерал ўғитлар хавфсизлиги тўғрисидаги техник регламентни жорий этиш схемасини тасдиқлаш.
Шунингдек, қарорга кўра янги таҳрирда баён этилган “Органик ва органик-минерал ўғитлар хавфсизлиги тўғрисида"ги техник регламент 2025 йил 1 майдан эътиборан кучга кириши белгиланди.
