Бемор 62 ёшли Марк исмли француз, у деярли 30 йил давомида нейродегенератив касалликдан азият чекади. Паркинсон касаллиги ривожланган кўплаб одамлар сингари, у ҳам ҳаракат қилишда қийналган. Тизим Жоселин Блоч ва невролог Грегуар Куртин томонидан ўрнатилди.
Операция муваффақиятли ўтди ва Марк мустақил равишда бир жойдан иккинчисига ўтишга, пиёда юриш, дўконга бориб келиш имкониятига эга бўлди.
Технологиянинг ўзи орқа миянинг муҳим жойларига жойлаштирилган электродлар тизимидан иборат нейропротездир. Қурилма юришни тезлаштириш учун электр стимуляцияни таъминлайди. Бундан ташқари, оёқлардаги кичик сенсорлар ҳаракатнинг ниятини ўқишга, стимуляциянинг кучини ва давомийлигини созлашга имкон беради.
Марк деярли икки йил давомида кунига ўртача саккиз соат давомида нейропротездан фойдаланмоқда. Энди олимлар технология турли одамларга қандай ёрдам беришини кўриш учун Паркинсон касаллигига чалинган олти нафар беморни операция қилишни режалаштирмоқда, деб хабар беради lenta.ru.
