Маълумки, Хитойнинг Ханчжоу шаҳрида шу йилнинг 10-25 сентябрь кунлари XIX Осиё ўйинлари ва 9-15 октябрь кулари IV Параосиё ўйинлари бўлиб ўтиши керак эди. Лекин турнирнинг ташкилий қўмитаси ушбу тадбирлар номаълум муддатга қолдирилганини маълум қилди.
Мусобақанинг кечиктирилишига Хитойдаги коронавируснинг янги тўлқини билан боғлиқ вазият сабаб эканлиги айтилмоқда.
Шу ўринда айтиш лозимки, Ханчжоу Хитойнинг Шанхай шаҳри яқинида жойлашган. Бу шаҳарда эса яқинда коронавирус туфайли бир ҳафталик карантин жорий этилган эди.
Осиё ва Параосиё ўйинлари ўтадиган янги саналар кейинроқ эълон қилинади.
