Илк халқаро профессионал футболчилик фаолиятини «Интер» жамоасида бошлаган Бьязи​1990 йилдан мураббий сифатида ишга киришган. Шу муддат мобайнида Италиядаги бир қатор клубларда ёрдамчи мураббий, бош мураббий сифатида меҳнат қилган.

2011-2017 йиллари Албания терма жамоасини бошқарган. 2020 йилдан эътиборан Озарбайжон миллий терма жамоаси бош мураббийи. Айнан унинг таклифига биноан Озарбайжон терма жамоасини келгуси нуфузли футбол мусобақаларга муносиб тайёргарлик кўришини таъминлаш мақсадида Алессандро Скайя, Клаудио Беллуччи, Бенито Карбоне ва Федерико Туррициани жамоада ўз йўналишларида иш бошлашди.

Озарбайжон терма жамоасининг жисмоний тайёргарлигига жавобгар этиб белгиланган Алессандро Скайянинг билдиришича, биринчи бор Италиядан ташқарида, янаям таркиби мусулмонлардан иборат миллий терма жамоада ишлаш ҳар тарафлама мураккаб жараён. Қолаверса, терма жамоа асосини мусулмон футболчилар ташкил этадиган таркиб билан шуғулланиш бир мунча мураккабликлар келтириб чиқариши мумкин. Лекин мураббийлар ва футболчилар жамоаси ўртасида ўрнатилган дўстона алоқаларнинг жинслилиги ўтказилаётган машғулотлар янги ғалабаларга етаклашига ишонч уйғотади, дейди у.

Эслатиб ўтамиз, ушбу мураббийлар бошчилигидаги Озарбайжон терма жамоаси Миллатлар лигаси(УЕФА) мусобақаларига тайёргарлик кўриш учун 28 август куни илк ўқув-машғулот йиғинига киришади. Бир ҳафтадан кейин эса Миллатлар лигасидаги баҳсларга киришади.

Озарбайжон давлатида ўрнатилган карантин тартиблари 5 август куни бекор қилинади.

Тўлқин РЎЗИЕВ.