Қатарда ўтган жаҳон чемпионатидан кейин ҳам Бразилия миллий жамоаси ФИФА рейтингини бошқаришда давом этмоқда. Янги жаҳон чемпиони Аргентина 2-ўринга кўтарилди, Франция 3-ўринни эгаллади.
Шу пайтга қадар рўйхатнинг иккинчи ўрнида турган Бельгия 4-ўринга тушди. Кучли ўнликдан Англия, Нидерландия, Хорватия, Италия, Португалия ва Испания ҳам жой олган. ЖЧ-2022да тўртинчи ўринни эгаллаган Марокаш энг кўп – 11 ўрин юқорилаб, 11-ўринга чиқди.
Осиё жамоалари орасида энг юқори поғонани Япония эгаллади. Бу жамоа 20 ўринда жой олган.
Ноябрь ойида Қозоғистонни 2:0 ҳисобида мағлуб этиб, Россия билан 0:0 ҳисобида дуранг қайд этган Ўзбекистон миллий жамоаси рейтингда 77-ўринда қолди.
