Бу ҳақда агентликнинг расмий телеграм каналида маълум қилинишича, пайпоқ экспорти қиймати ўтган йилнинг мос даври билан солиштирилганда 3 миллион AҚШ долларига ошган.
Шундай қилиб, 2023 йилнинг 2 ойида Ўзбекистон энг кўп пайпоқ экспорт қилган давлатлар билан танишинг.
Рўйхат бошида Россия турибди. Бу мамлакатга 6 миллион долларлик пайпоқ экспорт қилинган. Навбатда эса Қирғизистон (3,1 миллион доллар) ва Қозоғистон (320 минг доллар) етакчилик қилмоқда.
Ўзбекистонда ишлаб чиқарилган пайпоқлар Европа бозорларига ҳам кириб бора бошлади. Буни 2023 йилнинг дастлабки икки ойида мамлакатимиздан Германияга экспорт қилинган 268 минг долларлик пайпоқлар мисолида айтяпмиз. Бу билан Германия Ўзбекистон энг кўп пайпоқ экспорт қилган тўртинчи мамлакат бўлиб турибди.
Бешинчи ўринни эса Молдова (262 минг доллар) банд қилган.
