Ўзбекистон Кинематография агентлигидан олинган маълумотларга кўра, фестивалда Ўзбекистонда хизмат кўрсатган маданият ходими, кинорежиссёр Ҳилол Насимов, продюсер Отабек Хўжаев, Киночилар уйи директори Лазизбек Темиров қатнашмоқда.
Ҳиндистондаги ушбу нуфузли кино фестивалида қатнашишдан асосий мақсад ўзаро тажриба алмашиш, ҳинд кино саноати билан яқиндан танишиш, кинотеатрлар, кинозаллар фаолиятини ўрганишдан иборат.
Ўзбекистон делегацияси учун Гоанинг энг катта кинотеатрларига экскурция ташкил этилди. Шунингдек, ўзбекистонлик киноижодкорлар халқаро кинофестивалнинг кинобозори билан ҳам яқиндан танишди.
Гоа кинофестивалида «Film Bazaar» йўналиши алоҳида аҳамиятга эга. Амалий сафар давомида кўплаб фильмлар прокати, ўзаро алмашув ва кенг қамровли ҳамкорлик юзасидан келишувлар кўзда тутилмоқда.
