Абдуллоҳ Ол Шайх Ўзбекистонда амалга оширилаётган конституциявий ислоҳотлар мазмун-моҳияти ва аҳамиятига юқори баҳо берар экан, улар мамлакатнинг бардавом тараққиётини таъминлаш ва аҳоли фаровонлигини янада оширишга қаратилган жараёнлардаги муҳим қадам эканлигини таъкидлади.
Суҳбат давомида икки давлат ўртасидаги кенг қамровли ҳамкорлик алоқаларининг жорий ҳолати ва истиқболлари, хусусан, парламентлараро ҳамкорликни янада чуқурлаштириш масалалари муҳокама қилинди.
Учрашувда икки давлат парламентлари ўртасидаги ҳамкорлик алоқаларини жадаллаштириш, ўзаро ўзаро ташрифлар кўламларини кенгайтириш ҳамда конституциявий ислоҳотларни амалга оширишда тажриба алмашиш юзасидан келишувга эришилди.
Мамлакатимизда амалга оширилаётган конституциявий ислоҳотлар, кенг қамровли ўзгартиш ва қўшимчалар билан яқиндан танишган учрашувнинг саудиялик иштирокчилари Ўзбекистондаги ислоҳотлар жараёнига юқори баҳо беришгани баробарида уларнинг яқин истиқболда нафақат мамлакатимиз аҳолиси, балки минтақа халқларининг ҳам фаровонлиги равнақига хизмат қилишини таъкидлашди.
Абдуллоҳ Ол Шайх Ўзбекистон ва Саудия Арабистони ўртасидаги икки томонлама муносабатларни янада ривожлантиришда парламентлараро мулоқотларнинг муҳим ўрнини қайд этар экан, бу йўналишдаги ҳамкорлик муносабатлари янада ривожланиши учун ўз саъй-ҳаракатларини аямаслигини маълум қилди.
