Қайд этилишича, ушбу рейтингни ишлаб чиқишда мамлакатнинг сайёҳлар учун очиқлик сиёсати, мусулмон туристлар учун яратилган имкониятлар, тарғибот ва маркетинг, ислом меросини сайёҳларга етказиш даражаси каби қирқдан ортиқ мезон ҳисобга олинган. CrescentRating ташкилоти раҳбари Фазал Баҳардин жорий йилги кўрсаткичларга алоҳида тўхталиб, Ўзбекистонни рейтингда энг тез кўтарилган ва бошқаларга ўрнак бўлаётган давлат сифатида тан олган.
Маълумот ўрнида, Ўзбекистонда 1 январдан бошлаб 35 та ресторан (тезкор овқатланиш тармоқлари) ва 4 та меҳмонхона рейтинг ва “Ҳалол” сертификатига эга бўлган.
Бу йил Туркия, Саудия Арабистони ва Индонезия биргаликда иккинчи ўринни эгаллади. Сўнгги пайтларда туризм соҳасида ҳам сезиларли ютуқларга эришаётган Ўзбекистон ўз рейтингини етти поғонага яхшилаб, дунёда 9-ўринни, ИҲТ мамлакатлари орасида Миср, Оман, Қувайт, Марокаш, Ливан каби мамлакатларни ортда қолдириб, 6-ўринни эгаллади. Бу МДҲ ва Марказий Осиё давлатлари орасида энг юқори ўриндир.
Малайзия ҳалол саёҳатлар бўйича дунёдаги энг яхши йўналиш сифатида ўз мавқеини сақлаб қолди. MasterCard-Crescent Rating Global Musulmon Sayohat Indexning (GMTI) 2022 йил рейтингига кўра, мамлакат “Йилнинг Ислом Ҳамкорлик Ташкилотига аъзо мамлакатлар орасида мусулмонлар учун дўстона йўналиш” рўйхатида яна биринчи ўринни эгаллади. Малайзия 2015 йилда бу индекс ишга туширилгандан бери биринчи ўринни эгаллаб турибди. Бу йил Туркия, Саудия Арабистони ва Индонезия биргаликда иккинчи ўринни эгалладилар. GMTI мусулмон саёҳат бозорининг умумий кўрсаткичларини кузатиб боради.
Ушбу Индекс яқинда Сингапурда бўлиб ўтган Halal In Travel-Global Summit 2022 давомида эълон қилинди. MasterCard va Crescent Rating маълумотларига кўра, пандемиядан олдин мусулмон саёҳатчилар бозори 2013 йилда 108 миллион мусулмон саёҳатчи билан кучли ўсишни кўрсатган, 2019 йилда эса 160 миллионга кўтарилган. GMTI нинг сўнгги ҳисоботи шуни кўрсатдики, глобал чегаралар қайта очилаётган пайтда бу бозор яна кўтарилиши кутилмоқда, 2028 йилга келиб 230 миллион мусулмон саёҳат қилади.
Малайзияда мусулмон сайёҳлар бозори 2019 йилда 5,3 миллион халқаро ташрифга ҳисса қўшган ва 2019 йилда мусулмон сайёҳлари Малайзияга ташрифлари давомида 16,72 миллиард РМ ($4 миллиард) харажат қилган.
