Автомобиль ғилдиракларини қисқа вақт ичида алмаштириш бўйича ўтказилган финал беллашувида Россия, Беларус, Ўзбекистон, Эрон ва Қатар жамоалари биринчилик учун курашди. Ҳакамнинг ишорасига кўра, иштирокчилар авариявий тўхташ белгисини автомобилдан 15 метр узоқликка ўрнатган ва орқа чап ғилдиракни алмашитиришга киришган. Ҳакамлар коллегияси юкхонага жойланган ускунларнинг тўғрилиги ва тартибини баҳолаб борган.
Шундай қилиб, якуний натижаларга кўра, 2020 йилги Халқаро армия ўйинларининг мазкур йўналишида биринчиликни қўлга киритган Ўзбекистон жамоаси жорий йилда 3-ўринни эгаллади. Мусобоқа биринчилиги Россия жамоасига насиб этган бўлса, шоҳсупадаги 2-ўринни Беларус жамоаси банд этди, дея хабар беради Мудофаа вазирлиги Ахборот ва оммавий коммуникациялар департаменти.
