Токиода-2020 ўйинларида иштирок этаётган ҳар бир давлат учун мамлакат миллий тарихи ва маданиятининг ўзига хос элементларини акс эттирувчи ноёб кимонолар яратилди.
Уларнинг ҳар бирини яратиш учун олти ойдан бир йилгача вақт сарфланган. Ушбу ажойиб лойиҳани Ёшимаса Такакура 2014 йилда ўйлаб топган.
Ўзбекистон миллий терма жамоаси учун тайёрланган кимононинг принтларида мамлакатимиз учун муҳим бўлган ёдгорликлар акс эттирилган. Ўрик гулларига бурканган Регистон майдонидаги Тилла-Кори мадрасаси ва гуллаётган сакура билан безатилган Тошкентдаги Aлишер Навоий номидаги Давлат академик катта театри тасвири терма жамоамиз вакилларига кўтаринки кайфият бағишлаган бўлса, ажаб эмас.
