ФИФА миллий жамоаларнинг март ойи якуни бўйича янги рейтингини эълон қилди. Ўзбекистон термаси 3 поғона юқорилаб, 74-ўринга кўтарилган.
Айни пайтда Аргентина рейтингнинг биринчи пағонасини эгаллаб турибди. Иккинчи ўринда Франция, аввалги етакчи Бразилия учинчи ўринга тушган.
Кучли ўнликдан Бельгия (4), Англия (5), Нидерландия (6), Хорватия (7), Италия (8), Португалия (9) ва Испания (10) жой олган.
Осиё жамоалари орасида Япония пешқадам. Жамоа рейтингда 20-ўринни эгаллаган. Қитъа кучли ўнлигига Эрон (24), Жанубий Корея (27), Австралия (29), Саудия Арабистони (54), Қатар (61), Ироқ (67), БАА (72), Уммон (73) ва Ўзбекистон (74) кирган.
Таъкидлаш лозимки, терма жамоамиз март ойида Боливия (1:0) ва Венесуэла (1:1) миллий жамоаси билан ўтказилган ўртоқлик ўйинларидан кейин 74-ўринга кўтарилиб, охирги 5 йилдаги энг яхши натижасига эришди.
