Суҳбат бошида икки мамлакат парламентлари раҳбарлари Рамазон ҳайити муносабати билан бир-бирларини самимий самимий қутлаб, мамлакатларимизнинг қардош халқларига тинчлик, фаровонлик ва равнақ тиладилар.
Томонлар жорий йил март ойида Туркия Президентининг Ўзбекистонга амалга оширган ташрифи аҳамиятини ва унинг доирасида олий даражадаги Ўзбекистон-Туркия Стратегик ҳамкорлик кенгашининг иккинчи йиғилиши якунларини катта мамнуният билан қайд этдилар.
Ташриф якунлари бўйича эришилган келишувларни амалга оширишда икки мамлакат парламентлари ҳам ўзларининг муносиб ҳиссасини қўшаётгани таъкидлаб ўтилди.
Дўстона ва самимий руҳда кечган суҳбат чоғида томонлар парламентлараро ҳамкорликни мустаҳкамлаш масалаларига ҳам тўхталдилар.
Ўзбекистон Республикаси
Олий Мажлиси Сенатининг
Ахборот хизмати
