Ижтимоий тармоқларда эса бу масала кенг муҳокама этилмоқда.
Хўш бу масалага олимлар қандай фикрда?
Ветеринария ва чорвачиликни ривожлантириш давлат қўмитаси таркибидаги Самарқанд давлат ветеринария медицинаси, чорвачилик ва биотехнологиялар университети жамоаси, профессор ўқитувчилар томонидан ҳам бу масалага алоҳида эътибор қаратилиб, тадбиркор томонидан билдирилган фикрлар муҳокама этилди.
Давра суҳбатида хориждан келтирилаётган наслли қорамолларда юқумли касалликлар қайд этилгани ростми? Ўзбекистонга асосан, қайси давлатлардан вакцина келтирилади ва унинг самарадорлиги қандай? Исталган одам вакцина келтириши мумкинми ва бу борада қонунчиликда нима дейилган? каби масалалар муҳокама этилди.
Ветеринария фанлари доктори, профессор Ҳайит Салимовнинг сўзларига кўра, сўнгги 30-40 йиллар мобайнида қорамолларда юқумли касалликлар, (куйдирги, оқсил, лейкоз, қутуриш ва ҳоказолар) расман қайд этилмаган. 100 йиллар мобайнида маълум бўлган касалликлар ўчоқларида (мамлакатнинг алоҳида ҳудудларида) вазият барқарор.
Вакцинация (эмлаш) жараёнлари белгиланган тартибда ва шароитларда амалга оширилмоқда. Вакцина турли касалликлар бўйича Россия, Белорус ва Украинадан келтирилади. Унинг сифати ва самарадорлиги техник кўрикдан ўтказилади.
Хориждан келтириладиган қорамоллар ветеринария ва санитария талабларига асосан мамлакатга келтирилгач, инфекцион касалликларга қарши эмланади ва 30 кунлик карантинга олинади. Карантиндан сўнг яна эмланади.
Мамлакатимизда рўйхатдан ўтказилган вакцина ўзимизда пайдо бўлаётган вирус ва инфекцияларга нисбатан юқори самарадорлиги энг асосий шартлардан биридир.
— Фермер хўжаликлари томонидан чет элдан мол олиб келинаётганда қўмита мутасаддилари ёки ветеринария соҳаси мутахассисларидан бемаслаҳат иш қилишади. Тадбиркор шу масала бўйича, қўмитага мурожаат қилса, қўмита албатта мутахассис ажратади.
Мутахассис қорамолларни сотиб олмоқчи бўлган давлатдаги хўжаликка бориб, у ердаги вазиятни ўрганади. У ерда моллар сўнгги бир йил давомида қанақа касалликка чалинган, ташхис қандай бўлган, қандай даволанган, натижа нима бўлган. Ҳаммасини ўрганади.
Соғлом деб кафолат берилган моллар Ўзбекистонга олиб келинади ва яна карантинга сақланади. Қўмитада бутун дунё бўйича тарқалаётган касалликлар мониторинги олиб борилади. Улар қаерда қандай касалликлар тарқалаётгани ё тарқалгани ҳақида фермерларни огоҳлантиради, у ердан қорамолларни олиб келманг, дейди, ҳеч бўлмаганда.
Амалдаги тартибга кўра, истаган одам вакцина ишлаб чиқара олмайди. Вакцина давлат тасарруфидаги ташкилотлар томонидангина ишлаб чиқарилиши мумкин, бу биохавфсизлик масаласидир. Давлат томонидан қаттиқ назорат қилинади.
Шунингдек, фермер хўжаликлари олимлар ва мутахассислар билан яқиндан ҳамкорлик қилиши керак. Ҳамкорлик катта натижа беради, — дейди Ветеринария илмий-тадқиқот институти директори ўринбосари Муҳиддин Рўзимуродов.
Мулоқот давомида баҳс – мунозаралар қизғин давом этди.
Вазият атрофлича муҳокама этилди ва Ишчи гуруҳ томонидан воқеа жойи мутахассислар иштирокида ўрганилгандан сўнг, янада аниқ хулосаларга келиниши қайд этилди.
Воқеалар ривожини кузатамиз.
САМДВМЧБУ Ахборот хизмати
