Бу ҳақда Энергетика вазирлиги маълум қилди. Таъкидланишича, бугунги кунда юртимизда умумий қуввати 5 582 мегаватт бўлган қуёш ва шамол электр станциялари ишлаб турибди.
«Яшил» энергия ҳисобидан:
- 2,7 млрд куб метр табиий газ тежалди;
- Атмосферага чиқиши мумкин бўлган 4,4 млн тонна зарарли моддалар олди олинди.
Яна бир муҳим кўрсаткич, жорий йил бошидан 8 декабрь соат 17:00 ҳолатигача Ўзбекистондаги барча гидроэлектр, қуёш ва шамол станциялари 16 млрд кВт·соат электр энергияси ишлаб чиқарди.
Маълумот учун: мазкур ҳажмдаги электр энергияси 6,6 млн хонадоннинг бир йиллик истеъмолини ташкил қилади.
