Жорий йилнинг 16-23-май кунлари Озарбайжон Республикасининг пойтахти Боку шаҳрида ХIII Халқаро муғом фестивали бўлиб ўтди.
Мазкур фестивалда Ўзбекистондан Р.Глиер номидаги Республика ихтисослаштирилган мусиқа мактаби, Наманган 1-сон Болалар мусиқа ва санъат мактаби, Бухоро Мақом санъатига ихтисослаштирилган мактаб интернати ҳамда Ромитан 12-сон Болалар мусиқа ва санъат мактабининг 16 ёшгача бўлган 6 нафар ўқувчилари иштирок этди.
Фестивал якунларига кўра, ўнга яқин давлатлар орасидан 1 ўринни Р.Глиер номидаги Республика ихтисослаштирилган мусиқа мактаби ўқувчиси Умаржон Aкмалов банд этди.
Наманган 1-сон Болалар мусиқа ва санъат мактаби ўқувчиси Мадина Каримжонова ҳамда Р.Глиер номидаги Республика ихтисослаштирилган мусиқа мактаби ўқувчиси Сардор Нарзуллаевлар 2-ўринни эгаллади.
Aбдурауф Фитрат номидаги Бухоро мақом санъатига ихтисослаштирилган мактаб интернати ўқувчиси Оғабек Aхтамовга эса фахрли 3-ўрин насиб этди.
Шу билан бирга, фестивалнинг “Энг ёш муғом ижрочиси” сифатида Р.Глиер номидаги Республика ихтисослаштирилган мусиқа мактаби ўқувчиси Умаржон Aкмалов эътироф этилди.
