Йирик бизнес дастур ва Халқаро «TatOilExpo» кўргазмаси режалаштирилган ушбу кўргазмада Бошқарув раиси Меҳриддин Абдуллаев бошчилигидаги «Ўзбекнефтгаз» АЖ ходимлари ҳам иштирок этяпти.
Россия ва Марказий Осиё нефть-газ саноати етакчи мутахассисларининг экспозицияларини бирлаштирган ушбу Халқаро кўргазмада газ ва нефть ускуналари ишлаб чиқарувчилар, етказиб берувчилари, нефть корпорациялари ва холдинглари, нефть ва газни қазиб олиш, қайта ишлаш корхоналари, нефтга хизмат кўрсатиш ҳамда қидирув компаниялар қатнашяпти.
«Ўзбекнефтгаз» AЖ, Иннополис университети нефть ва газ технологиялари маркази, Сколковский фан ва техника институти, «Идея» инновацион ва ишлаб чиқариш технопарки, «ХК Кама-Тракс» МЧЖ, «ПК ПОЛИГРAН» МЧЖ, «Торгово» МЧЖ, «МТЗ-Татаристон ишлаб чиқариш компанияси», «Синергия Технология» МЧЖ, Татаристон Республикаси «Фармедполис» тиббий саноат парки, «Казанский завод синтетического каучука» AЖ, «Эко-транс» МЧЖ, «Трейд Инжиниринг» МЧЖ, «ПРОМТEХ», Машинасозлик кластери, ЕИЗ «Иннополис», «Завод Цоколь» МЧЖ, Куйбишевская темир йўли – «Россия темир йўллари» AЖ филиали, «Қудуқларни ишлатишнинг янги технологиялари» МЧЖ НПО ва шу каби бошқа компаниялар ўзларининг ишлаб чиқариш имкониятлариеи намойиш этяпти.
Ушбу тадбирга ташриф буюрган Татаристон президенти Рустам Минниханов Ўзбекистон томонининг кўргазмалари билан танишиб чиқди ва ўз навбатида «Ўзбекнефтгаз» АЖ Бошқаруви раиси билан нефть-газ соҳасида суҳбатлашди.
Ушбу Форум давомида Россиянинг ёқилғи-энергетика комплексининг ривожланишини муҳокама қилиниши баробарида, суюқлик ва газлар оқими тезлиги, унинг миқдорини ўлчашни метрологик қўллаб -қувватлаш, саноат экологияси, геодезия ҳамда геоинформацион тизимларнинг долзарб масалалари кўриб чиқиляпти.
Таъкидлаш керакки, 1 сентябрда Бизнес дастури доирасида CREON Conferences томонидан «Казан Экспо» нотижорат ташкилоти билан ҳамкорликда ташкил этилган «Полеолефинлар 2021» XVIII халқаро конференцияси бўлиб ўтади, деб хабар беради «Ўзбекнефтгаз» АЖ матбуот хизмати.
Эслатиб ўтамиз, тадбир давомида Россия полиолефин бозори қандай ривожланиши ҳақида муҳокамалар ўтказилади.
Конференциянинг асосий мавзулари:
- жаҳон ва ички полиолефин бозорларининг аналитик таҳлилий шарҳи;
- нархлар ўйнаши - бозор нархларини ушлаб туришнинг мумкин бўлган механизмлари;
- Россия Федерацияси ва МДҲ давлатлари ҳудудида янги лойиҳаларни кўриб чиқиш;
- поли'тилен ва полипропиленни иккиламчи қайта ишлаш;
- полиолефинлар бозорини қайта йўналтириш: истиқболли истеъмол сегментлари.
