Угра музейи (Япония)
Ушбу музей экспонатлари тез тайёр бўладиган угра маҳсулотларидан ташкил топган. Музей ташклотчиси Японияда угра ишлаб чиқарувчи "Nissin Food" компанияси ҳисобланади.
Картошка музейи (Айдахо, АҚШ)
Бу ерда картошкага оид кўплаб қиўиқарли экспонатлар сақланади. Улар қаторида дунёдаги энг йирик картошка чипсиси бор. Экспонатнинг ҳажми 63,5 сантиметрни ташкил қилади.
"Карривурст" музейи (Берлин, Германия)
Ушбу музей колбасани яхши кўрувчилар учун. Бу ерда турли-туман колбаса маҳсулотларини учратиш мумкин. Музейнинг ўзида ташкил этилган емакхонада кўргазмага қўйилган колбаса турларидан татиб кўриш имконияти бор.
"Spam" гўштли консервалар музейи (Остин, АҚШ)
1500 квадрат метр майдонни ўз ичига олган ушбу музейда "Spam" гўштли консерваларга оид қизиқарли экспонатлар бор. Бундан ташқари бу ерда кўнгилочар ўйин-томошалар ҳам ўтказилади.
Пишлоқ музейи (Алкмар, Нидерландия)
Голланд пишлоғига атаб ташкил этилган мазкур музей Нидерландиядаги машҳур пишлоқ бозори-Алкмар яқинида жойлашган. Бу ерда ҳар хил пишлоқ экспонатлари бор. Меҳмонлар голланд пишлоғи қандай тайёрланиши ҳақида батафсил маълумот олишлари мумкин.
"Jell-O" ширинлиги музейи (Нью-Йорк, АҚШ)
Музей болажонлар ва ширинликка ўч катталар билан доим гавжум бўлади. Бу ердан ширинлик-экспонатлардан ташқари 30 йил давомида "Jell-O" юзи бўлиб келган актёр Биллу Косбига бағишланган кўргазма ҳам жой олган.
Қўзиқоринлар музейи (Луара водийси, Франция)
Бу ердаги экспонатлар трюфел, шампиньон каби қўзиқоринлардир. Меҳмонлар музейни томоша қила туриб, ёввойи ва ғайриоодий қўзиқорин турлари ҳақида қизиқарли маълумотларга эга бўлишлари мумкин.
Хантал музейи (Висконсин, АҚШ)
"Mount Horeb Mustard Museum" да аччиқ хантал қайласининг кўплаб турларини ўз ичига олган 5000 мингдан зиёд экспонатлар мавжуд.
Зайтун ёғи музейи (Италия)
"Musee dell Olivo" экспонатлари ва кўргазмалари зайтун етиштиришнинг 6000 минг йиллик тарихи, ушбу маҳсулотнинг овқатланишдаги ўрни, саломатликни асрашдаги аҳамияти ҳақида сўзлайди. Меҳмонлар музей ҳовлисидаги зайтун даласида сайр қилиб, ҳосил қандай янчилаётгани, ёғ олиш жараёни билан яқиндан танишишлари мумкин.
Сифати бузилган озиқ-овқат маҳсулотлари музейи (Виргиния, АҚШ)
Музейдаги экспонатлар моғорлаган нон, куйиб кетган пирог каби сифати бузилган озиқ-овқат маҳсулотларидан иборат. Хатто ҳар бир экспонат лавҳачасига унинг тарихи ёзиб қўйилган.
