Маданият вазири Озодбек Назарбеков вазирликнинг телеграм каналида аҳолининг вакцинация билан боғлиқ хавотирлари ўринсиз экани, бу жараёнда ҳаммамиз фаол қатнашишимиз лозимлигини тарғиб қилувчи фикрларини баён этди.
— Хабарингиз бор, жорий йилнинг 3 июль куни Covid- 19 вирусига қарши вакцина қабул қилган эдик.
Айни пайтда, вакцинанинг такрорий босқичини қабул қилишдан аввал тўлақонли шифокор кўригидан ўтдик ва эмландик.Шунингдек, тўлиқ эмланганлик ҳақидаги сертификатни ҳам қўлга киритдик. Аввал ҳам айтганимиздек, вакцинанинг биринчи босқичини олганимизга 20 кундан ошган бўлса, соғлиғимиз билан боғлиқ ҳеч қандай безовтали ҳолатлар юз бермади.
Тиббиётда маълум бўлишича, инсон организми бир-биридан фарқлангани боис, вакцинация жараёни ҳар кимда ҳар хил кечаркан.
Шу нуқтаи назардан ҳали ҳамон кўпчилик юртдошларимизда ҳадиксираш, қўрқув устунлик қилмоқда.
Халқимизга шуни айтмоқчиманки, вакцина- вирусни енгишнинг ягона чораси экан, вақтни бой берманг. Вирусга қарши эмланиб, ўзингиз ва яқинларингизга чекловларсиз, одатий яшаш тарзига қайтишига кўмаклашинг, — дейди Озодбек Назарбеков.
