Франция пойтахти Европада мазкур масалада экстремал чоралар кўрган биринчи шаҳарга айланди.
Париж мэри Энн Идальго шаҳардаги электр скутерларни ижарага берувчи барча кикшерингни ёпишга қарор қилди. Мазкур чораларни парижликларнинг ўзлари талаб қилишди.
Референдум бўлиб ўтди. Унда аҳолининг атиги ўндан бир қисми иштирок этган бўлса-да, мазкур масалага ечим топилди. 1 сентябрдан Париж деярли скутерлардан холи бўлади. Тақиқ хусусий мулкдорларга таъсир қилмайди. Кикшеринглар одамларни ишдан бўшатишга тайёрланмоқда. Бу ерда асосан мигрантлар ишлайди. Улар электр скутерларни таъмирлайди ва уларга хизмат кўрсатади, деб хабар беради mir24.tv.
