Нашрнинг маълум қилишича, коронавирусга чалинишнинг янги ҳолатлари учраётгани сабабли “Синьфади” улгуржи бозори вақтинча ёпилган. Бозорнинг ишчи ходимлари ҳам тестдан ўтказилмоқда. Ундан ташқари, эпидемиология хизмати ишчилари Фэнтай туманининг жанубий ҳудудларини — касалланганлар бўлган жойларни дезинфекция қилишни бошлади.
Газетада таъкидланишича, кейинги икки кунда коронавирусга чалиниш бўйича Пекинда учта янги ҳолат аниқланди. Касалланганларнинг икки нафари сўнгги икки ҳафтада Пекиндан ташқарига чиқмаган. Қолгани бири эса Циндао шаҳрига бориб келган.
Охирги маълумотларга қараганда, Хитойда 84228 киши ушбу касалликка чалинган. Уларнинг 4600 нафари вафот этган.
