Россиянинг Азур Аир авиакомпаниясининг АЗВ2463 рейси билан Перм — Гоа йўналишида парвоз қилаётган, бортида 231 йўловчи бўлган самолёт соат 03:58 да Термиз халқаро аеропортига қўнди.
Тегишли текширувлардан сўнг йўловчилар ва экипаж аъзолари аеропорт терминалига таклиф қилинди. Аеропорт ходимлари фавқулодда қўнишни амалга оширган борт йўловчилари учун энг қулай шароитларни яратишга ҳаракат қилишди.
“Бугун эрта тонгда таътилга учаётган икки юздан ортиқ йўловчилар аеропортимизга қўнишга мажбур бўлишди. Улар чарчагаб, барчанинг кайфияти тушиб кетган. Биз қандайдир тарзда йўловчиларнинг кўнглини кўтаришга, далда беришга, қўллаб-қувватлашга ҳаракат қилдик. Тушликка эса палов тайёрладик.
Бугун бир йўловчининг туғилган куни ркан. Бу кунни яхшилик билан эслаш керак деган қарорга келдик ва кичик эсдалик совғасини топширдик, барчамиз ушбу йўловчини бир овоздан табрикладик.Вазиятни оз бўлсада юмшатишга муваффақ бўлганимиздан хурсандмиз”, — деди “Термиз” аеропорти директори Шуҳрат Қобилов.
Дастлабки маълумотларга кўра, самолёт йўловчилар билан Тошкент вақти билан соат 19:00 да белгиланган аеропортга жўнаб кетади.
