Чоршанбага ўтар кечаси Польшанинг Люблин воеводелигидаги Осини қишлоғида номаълум нарса маккажўхори даласига тушиб, портлаб кетди. Бу ҳақда 20 август куни RMF 24 хабар берди.
Масалан, Луков тумани полиция бўлими ходими Марчин Юзвикнинг айтишича, соат 2:00 дан кейин ҳуқуқ-тартибот идоралари ходимлари Луков округидаги Осини қишлоғида “портлаш” содир бўлгани ҳақида хабар олган.
Маккажўхори даласида бир неча ўн метр радиусда тарқалган турли ўлчамдаги куйган элементлар топилди. Бу куйган металл ва пластмасса парчалари эди.
Ҳодиса оқибатида ҳеч ким жабрланмаган, бироқ туташ ҳудуддаги учта уйнинг ойналари синган.
Łuków.TV ўз журналистларига таяниб хабар беришича, “воқеа жойида вазият жуда оғир”. Номаълум объект қулаган жойда кратер ҳосил бўлган ва парчалар орасида пропеллерга ўхшаш нарса топилган.
Портал эълон қилган кадрларда тунги осмонда ёрқин чақнаш ва бир лаҳзадан кейин кучли портлаш овози эшитилганини кўриш мумкин, деб хабар берди korrespondent.net.
“Мени деразалардаги ойнани силкитган кучли портлаш уйғотди. Кўчага қарадим, лекин ҳеч нарсани кўрмадим. Фақат эрталаб полиция машиналарининг чироқларини пайқаб қолдим”, дейди аҳоли вакилларидан бири.
