Поезд Лиссабондан Брага шимолига қараб кетаётганди. У Коимбра ва Порто шаҳарларида тўхташ керак эди. Бироқ тахминан соат 15:30 да Соуре шаҳрида темир йўл техник хизмат кўрсатиш машинасига урилди.
Президент Марселу Ребелу ди Соза ушбу жиддий аварияда ҳалок бўлганларнинг оила аъзолари ва дўстларига таъзия изҳор этди. Мамлакатдаги ёрдамни бошқариш бўйича миллий агентлик “Reuters” ахборот агентлигига фавқулодда хизматлар воқеа жойида бўлганини айтди.
Уларнинг сўзларига кўра, 163 қутқарув хизмати ходимлари, шу жумладан ўт ўчирувчилар ва иккита тиббий вертолёт ёрдамга борган. Айтишларича, Португалиядаги энг тезкор Alfa Pendular поездида 240 йўловчи бўлган.
Португалиялик Диарио “Jornal de Noticias” газетасига ҳалокат пайтида поезд ичида ваҳима кўтарилганлигини айтган. “Мен ўлсам керак деб ўйлагандим. Поезднинг тўхташи учун 10-15 сония вақт керак бўлди. Одамлар қичқирар ва ерда ётар эдилар. Кейин поезд ичи тутунга тўла бошлади. Эшиклар бузилганлиги сабабли биз вагон ичида қолдик. Кимдир улардан бирини синдиришга муваффақ бўлди ва биз ташқарига чиқиб, бошқа одамларга ёрдам беришни бошладик”, дейишди улар.
