Президент ташриф буюрган Шодиёна маҳалласида электр таъминоти яхшиланадиган бўлди

Энергетика 8 фев 2021, 11:34 999

Давлат раҳбари 5 феврал куни халқ депутатлари вилоят кенгашининг навбатдан ташқари сессиясидан сўнг кутилмаганда Фарғона шаҳридаги “Шодиёна” маҳалласига ташриф буюриб, ҳудудни комплекс ривожлантириш, маҳалладаги муаммоларни зудлик билан ҳал этиш юзасидан топшириқлар берган эди.

Шундан сўнг, “Ҳудудий электр тармоқлари” АЖ бошқарув раиси бошчилигида ишчи гуруҳ ташкил этилиб, Фарғона шаҳрининг “Шодиёна” маҳалласидаги электр таъминоти билан боғлиқ муаммоларни ўрганди.

Тегишли лойиҳалар асосида, ҳудудга янги темир-бетон таянчлари, трансформатор пунктлари ўрнатиш ҳамда 0,4 кВли электр узатиш тармоқларини қуриш ишлари бошланди.