Бу ҳақда Тошкент шаҳар ҳокими Шавкат Умрзоқов қарорида маълум қилинган.
Қарор 2025 йил 25 декабр куни эълон қилинган.
Қарорга кўра, ҳар бир тураржой учун кўпи билан иккита резидент автотураргоҳ рухсатномалари рўйхатга киритилиши мумкин.
Унга кўра, резидентлар учун соат 20:00 дан 08:00 гача тўхтаб туриш бепул, қолган вақтларда эса белгиланган тарифлар асосида тўлов ундирилади.
Рухсатнома бир йиллик муддатга берилади. Йиллик резидентлик тўлови учун бир БҲМ (амалда 412 минг сўм) миқдорида тўлов қилиниши керак бўлади.
Ушбу қарор 2026 йил 1 февралдан кучга киради.
